Die Fasnachtsverliebten - we love fasnacht!
Die IG Mosliger Fasnacht wurde als Verein gegründet. Mitglieder sind zwingend die Delegierten des FaKoMo und der Guggenmusig (also Organisatoren des Maskenball/Umzug/Kinderfasnacht/Uslumpete), sowie Vertreter weiterer Interessengruppen mit einem Anliegen an der Mosliger Fasnacht wie: Del Capo, Behörden- und Schulvertreter, Elternvereter. Und natürlich auch Vertreter des Gewerbes.
Die IG Mosliger Fasnacht hat im Kern die Aufgabe die Aktivitäten zu koordinieren bzw. alle Akteure regelmässig an einen Tisch zu bringen, damit alles aus einem Guss daher kommt – 4 Tage – 4 Dörfer - 1 Fasnacht. Die IG Mosliger Fasnacht hat in Ihren Statuten festgehalten, dass sie nicht gewinnorientiert arbeitet, es soll nur mit dem ersparten die gemeinsame Werbung finanziert werden können.
Lovestorys IG Mosliger Fasnacht
Boris Kukolj, Programmchef DO/FR
Üsi Mosliger Fasnacht findet grossä Aaklang, goht sie doch jetzt endli au vier Täg lang.
För en Urmosliger wie mii,
sött da im Johr s Highlight sii.
Alex Forrer, Präsident
Mi fasziniert d’Stimmig vo Gemeinsamkeit, Unbeschwertheit, Gleichheit und Fröhlichkeit während der Fasnacht „i de Luft“ lit -Eifach es paar Täg zämme usglassni Stimmig gnüssä! Und jo - nätürlich findi d’Guggemusig Moslig suuuuper;-)
Daria Schnyder, Nachwuchsentwicklung
Mer gfallt d Mosligerfasnacht, wel d lüüt äfach guet drof sind... Au d chind hend Spass verkleidet durs Dorf z'laufe und sind stolz wenns dörfet am Umzug mitmache.
I freu mi vorallem au uf d Beize- fasnacht, die het äfach echli gfählt di letschte paar Johr..
Urs Schönenberger, Aktuar, Dokumentationen
Ich liebe d’ Mosliger Fasnacht, will mer jedes Johr wieder alt bekannti Gsichter gseht und wills eifach s Highlight för jede Gugger isch z Moslig dörfe z spiele. Immer super Stimmig und eifach e friedlichs Fest.
Ruben Schuler, Programmchef DO/FR
Thomas Näf, Finanzen und Sponsoring
D` Mosliger Fasnacht isch di bescht Fasnacht, will do eifach alles zäme chunt und mitenand genial gfäschtet wird. Es het en huufe Maskierti und Verkleideti wos of Moslig zücht.
I freu mi au da Johr wieder uf de Umzug, was för intressanti Wäge und Gruppe debi het.
Da muesch eifach gseh ha!
Wötsch e geili Fasnacht gseh?
Chum of Moslig , det gits no meh!
Karin Forrer, Marketing/Kommunikation
Mini persönlich Liebesgschicht zo dä Mosliger Fasnacht... Als Chind sind mir immer verkleidet am Schmutzige Donschtig dors Dorf zoge. Üsen Berner Sennenhund Bello hend mir vor en Chinderwage gspannt, wo mer als Fasnachtswage umbaut hend. Mit üsem Engagement für diä erwiteret Dörferfasnacht, hoff ich, dass wieder meh Erwachseni und Chind dä Plausch öberchönd a dere friedliche, fröhliche Narrezyt!
Martin Bollhalder, Bau und Spezialprojekte
I liebe d’mosliger Fasnacht well si eifach öppis speziells isch. Öb am gröschte und schönschte Maskeball, oder am einzigartige Umzug. Ganz Moslig isch locker druff, mer trefft en huffe bekannti Mensche.
I freu mi of Beizefasnacht und Dörferfasnacht. 4 Täg lang äfech ächli sii…
Gregor Schnellmann,
Verantwortlicher Dreigestirn
Ich bi scho alls chlinä Büäbel hell begeisteret gsi vo dä Fasnacht und ha scho immer wöllä i Guggä gho. I freu mi immer wieder riesig wenn mir bi üsem Heimgrandprix dörfet uftrettä und mir alt bekannti Gsichter wieder gsehnd.
Mosliger Fasnacht eifach öpis für Jung und Alt!!!
Valéry D'Aversa, Mosliger Narren Club
Bin sit i Chli bin fascht jedes Johr a de Mosliger Fasnacht gsi. Finds kuul do, will mer immer wieder Kollege trifft und's mer zämä lustig het.
Patrick Castelberg, Bau und Spezialprojekte
Mosliger Fasnacht isch eifach super!!
Ali Lüt sind super drof und hend dä Plausch. Moslig hett die
beschti Guggemusig und dä schönschti Umzug!
We love Mosliger Fasnacht!